«Իմ առաջարկությունն է Ալեն Սիմոնյանին, նորից այսօր Ազգային ժողովից կոչ եմ անում, որ անհրաժեշտ է միջխորհրդարանական նիստ հրավիրել՝ Արցախի Ազգային ժողովի եւ Հայաստանի Ազգային ժողովի միջեւ, որպեսզի գտնենք լուծումներ՝ այս ծանր իրավիճակից ինչպես հանենք արցախցիներին։ Դա կապված է ե՛ւ սոցիալ-տնտեսական հարցերի, ե՛ւ քաղաքացիության, ե՛ւ այլ հարցերի հետ»,- Արցախից բռնի տեղահանվածների՝ ՀՀ քաղաքացիության ձեռքբերման հարցերի վերաբերյալ քննարկման ժամանակ ասաց Արցախի ԱԺ պատգամավոր Աշոտ Դանիելյանը (լուսանկարում)։
Նա դիմեց ՆԳ փոխնախարար Արմեն Ղազարյանին․ «Մեկ գիշերվա ընթացքում որոշում եք կայացրել, եւ վեց ամսից ավելի արցախցիները գտնվում էին անձնագրային եւ վիզաների վարչությունում՝ մի հատ վկայական ստանալու համար։ Այսինքն՝ 10 ամիս բլոկադայից հետո արցախցիներին ուղղեցիք դեպի վիզաների վարչություն։ Ես նորից եմ կրկնում, ասում եմ Ալեն Սիմոնյանին՝ Ազգային ժողովի նախագահին՝ խիստ անհրաժեշտ է միջխորհրդարանական նիստ գումարել Արցախի Ազգային ժողովի պատգամավորների հետ, որովհետեւ ինֆորմացիայի խնդիր կա։ Մեկ տարուց ավելի է՝ մենք չենք կարողանում քաղաքացիության հարց լուծել, կարելի է մեկ գիշերվա ընթացքում հարցին լուծում տալ։ Դուք ասում եք, որ ավելի լիբերալ եք գտնվել՝ այդ փախստականի կարգավիճակը մեզ տալով։ Բա ի՞նչ պետք է անեիք, մենք Սոմալիի՞ց էինք եկել, թե՞ Ջիբութիից։ Անընդհատ այդ խոսույթը կա, ՀՀ պաշտոնյաների կողմից խոսույթ կա, որ վերջում էլ մենք պետք է շնորհակալ լինեինք։ Մենք մեր հայրենիքում ենք, եւ պետք է միանշանակ ավելի լավ մոտեցում լինի, որովհետեւ մենք ուրիշ երկրի քաղաքացիներ չենք եղել»։
Մանրամասները՝ տեսանյութում.
Կարդացեք նաև
Ռոզա ՀՈՎՀԱՆՆԻՍՅԱՆ
Աշոտ Դանիելյանի լուսանկարը՝ նրա ՖԲ էջից:
