«Պարոն Ղազարյան, ես այս շենք մտել եմ՝ ցույց տալով ՀՀ նույնականացման քարտը, որը ես ստացել եմ 2022 թվականին։ Խնդրում եմ, պարզաբանում կտա՞ք, ինչպես եմ ես ստացել այդ փաստաթուղթը»,- Ազգային ժողովում Արցախից բռնի տեղահանվածների՝ ՀՀ քաղաքացիության ձեռքբերման հարցերի վերաբերյալ քննարկման ժամանակ Ներքին գործերի փոխնախարար Արմեն Ղազարյանին դիմեց Արցախի մարդու իրավունքների պաշտպան Գեղամ Ստեփանյանը։
Արմեն Ղազարյանը պատասխանեց․ «Ինչպես ստացել եք 070 կոդով անձնագիրը, որը ՀՀ քաղաքացու ձեւանմուշի է, նույն տրամաբանությամբ ստացել եք նույնականացման քարտը»։
«Բայց ՀՀ նույնականացման քարտի մասին որոշումը կամ օրենքը, հիմա լավ չեմ հիշում, նշում է, որ միայն ՀՀ քաղաքացիներին է տրվում այդ փաստաթուղթը»,- արձագանքեց Գեղամ Ստեփանյանը։
«Այո, ճիշտ եք, անձնագիրն էլ նույն նշումն ունի եւ ունի կարգավորում, դա տրվել է որպես ճամփորդական փաստաթուղթ։ Նույնականացման քարտեր չպետք է տրվեին, սակայն տրվել են։ Եվ ըստ այդմ՝ մենք չենք կարող հիմա այդքան մարդու համար խնդիր առաջացնել այդ մասով»,- ասաց Արմեն Ղազարյանը։
Կարդացեք նաև
ԱԺ պատգամավոր Էլինար Վարդանյանը հարցրեց․ «Ես ճի՞շտ հասկացա՝ նույնականացման քարտը չպետք է տրվեր եւ տրվել է օրենքի խախտումով ըստ էության»։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
