Կառավարության այսօրվա նիստում Նիկոլ Փաշինյանն անդրադարձավ ՀՀ պետական օրհներգի փոփոխության նախագծին։
«Իմ վարչապետության շրջանում շատ երկար ժամանակ ես չեմ հանդիպել ՀՀ պետական օրհներգի նույն ձեւի կատարման, չկա արագության ստանդարտ, տեմպի ստանդարտ, տեւողության ստանդարտ։ Գինուն, բաստուրմային, սուջուխին ավելի մեծ նշանակություն ենք տալիս ուշադրություն ենք դարձնում, քան օրհներգին։ Յութուբում հազար հատ օրհներգ կա, եւ երբեք որեւէ մեկն իրեն հարց չի տվել՝ բա ի՞նչ օրհներգ է հնչելու, ո՞նց է հնչելու այդ օրհներգը։ Սա մի ֆունդամենտալ խնդիր է, որն այդ նախագծով մենք պետք է լուծենք։ Ես տվել եմ հանձնարարական, որ իմ մասնակցությամբ բոլոր միջոցառումներին օրհներգը պետք է հնչի կենդանի կատարմամբ եւ որոշակի որակի ստանդարտին համապատասխան»,- ասաց նա։
Անդրադառնալով օրհներգի տեքստին՝ Նիկոլ Փաշինյանն ասաց, որ այս նախագծով տեքստի մեջ որեւէ բառի փոփոխություն չի առաջարկվում։ «Առաջարկվում է միայն քառատողերի դասավորվածության փոփոխություն։ Պետական արարողակարգային միջոցառումների ժամանակ արդեն բավական երկար ժամանակ հենց այս տարբերակն է հնչում, ինչը կարող է նաեւ մեկնաբանվել որպես օրենքի խախտում, բայց մյուս կողմից մենք ցանկացանք տեսնել, թե այդ տարբերակն ինչպես է հնչում ու ինչ ընկալման է արժանանում հանրության շրջանում։ Եվ մենք տեսանք, որ այդ ընկալումը դրական է»,- հավելեց նա։
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
Լուսանկարում՝ 2024 թ սեպտեմբերի 9-ին ԱԺ նստաշրջանի բացումը, որտեղ մինչ օրենքի փոփոխությունը՝ արդեն իսկ օրհներգը կատարվել է փոփոխված ձեւով:
