«Կարևոր փաթեթ է, որը վերաբերում է քաղաքացիական ու վարչական դատավարություններն իրավական չարաշահումներից կանխարգելելու մեխանիզմների ներդրմանը։ Հույս ունենք, որ և′ դատարանների անհարկի ծանրաբեռնվածությունը կթեթևանա, և′ դրանով նաև մեր քաղաքացիների դատավարական իրավունքների պաշտպանության արդյունավետությունը կբարելավվի։ Մենք ողջամիտ ժամկետների քննարկման ապահովման մեխանիզմներ ենք ներդնում»,- ՀՀ ԱԺ Պետական-իրավական հարցերի մշտական հանձնաժողովի նիստի ժամանակ վստահեցրեց ՀՀ արդարադատության նախարարի տեղակալ Տիգրան Դադունցը։
Նշենք, որ ՀՀ քաղաքացիական դատավարության օրենսգրքում փոփոխություններ եւ լրացումներ կատարելու մասին նախագծերի փաթեթը ՀՀ ԱԺ-ն ընդունել է առաջին ընթերցմամբ։
Կառավարությունն առաջարկում է ընտանեկան բռնության գործերի քննության ընթացակարգերում որոշ փոփոխություններ կատարել։ Տիգրան Դադունցը պարզաբանեց․ «Ընտանեկան բռնության գործերով գործ ունենք ոստիկանության ակտերի հետ։ Հետևաբար ստացվում էր, որ ընտանեկան բռնության ենթարկված անձը մինչև դատարան դիմելը պետք է գրավոր բողոքարկեր ոստիկանության ակտը վերադասության կարգով, հետո դատարանում գրավոր քննվեր այս գործը, ինչը հակասում է վարույթի սկզբունքներին և′ արագության առումով, և′ անձին պարտադիր լսելու առումով։ Հետևաբար առաջարկում ենք ոստիկանության գործերի գրավոր ընթացակարգով քննության մասով բացառություն նախատեսել՝ ընտանեկան գործերով»։
Կարդացեք նաև
Տաթև ՀԱՐՈՒԹՅՈՒՆՅԱՆ
