Հաշվի առնելով այն հանգամանքը, որ տեխնիկական եւ հրդեհային անվտանգության վերաբերյալ օրենսդրության խախտումները, որպես կանոն, էական եւ անմիջական վտանգ են սպառնում մարդու կյանքի եւ առողջությանը՝ օրենսդրական նախաձեռնությամբ առաջարկվում է նախատեսել, որ արտադրական վտանգավոր օբյեկտի, արտադրական վտանգավոր օբյեկտում տեղակայված առանձին տեխնիկական միջոցի կամ տեխնոլոգիական սարքավորման շահագործումն արգելելու վերաբերյալ կարգադրագիրը ենթակա է անհապաղ կատարման: Այս մասին ասել է ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ղեկավար Պետրոս Մարտիրոսյանը:
ՀՀ ԱԺ տնտեսական հարցերի մշտական հանձնաժողովի՝ նոյեմբերի 27-ի նիստում առաջին ընթերցմամբ քննարկվել է ««Տեխնիկական անվտանգության ապահովման պետական կարգավորման մասին» օրենքում փոփոխություններ եւ լրացումներ կատարելու մասին» եւ կից ներկայացված օրենքների նախագծերի փաթեթը:
Նախագծով տարանջատվել եւ հստակեցվել են ինչպես արտադրական վտանգավոր օբյեկտի, արտադրական վտանգավոր օբյեկտում տեղակայված առանձին տեխնիկական միջոցի կամ տեխնոլոգիական սարքավորման շահագործումն արգելելու վերաբերյալ անհապաղ կատարման ենթակա կարգադրագրերին վերաբերող, այնպես էլ ստուգման արդյունքում բացահայտված խախտումների վերացման նպատակով ընդունված կարգադրագրերին վերաբերող դրույթները: Առաջարկվել է սահմանել նաեւ արտադրական վտանգավոր օբյեկտը չշահագործելու դեպքում դրա կոնսերվացման պարտադիր պահանջ՝ հնարավոր ռիսկերը բացառելու համար: Մանրամասն ներկայացնելով առաջարկվող կարգավորումները՝ հիմնական զեկուցողն առաջարկել է կողմ քվեարկել նախագծին:
Պետրոս Մարտիրոսյանը ներկայացրել է պարզաբանումներ վարչական ակտի բողոքարկման ընթացակարգի, տեխնիկական անվտանգության փորձաքննության, առկա ռիսկերի հայտնաբերման եւ սահմանվող կարգավորումների վերաբերյալ:
Կարդացեք նաև
ՀՀ ԱԺ աշխատակազմի փորձագիտական եւ վերլուծական վարչության կողմից նախագծերի փաթեթի վերաբերյալ ներկայացվել է մասնագիտական փորձաքննության եզրակացությունը:
Օրենսդրական նախաձեռնությունը ստացել է դրական եզրակացություն:
ԱԺ
