«Իմ որոշումն է, իմ սահմանադրական իրավունքն է»,- հարցին՝ ո՞րն է Ձեր՝ մանդատը վայր դնելու պատճառը», լրագրողների հետ ճեպազրույցում նրանց՝ չդադարող հարցերին այսպես պատասխանեց պատգամավորական մանդատը վայր դրած «Քաղաքացիական պայմանագիր» խմբակցության անդամ, Առողջապահության հարցերի մշտական հանձնաժողովի նախագահ Նարեկ Զեյնալյանը։
Լրագրողներին էլ նախատեց․ «Ամեն տեղ ինտրիգ եք ման գալիս»։
Նարեկ Զեյնալյանն ասաց, որ ՀՀ վարչապետ Նիկոլ Փաշինյանն է իրեն խնդրել մանդատը վայր դնել․ «Դա իմ սահմանադրական իրավունքն է։ ՀՀ ԱԺ Կանոնակարգ օրենքի համաձայն՝ ես եմ որոշումը կայացրել։ Վարչապետը խնդրել է, ես անձամբ կայացրել եմ որոշում պատգամավորական գործունեությունս դադարեցնելու վերաբերյալ։ Այսքանով խնդրում եմ բավարարվել»։
Լրագրողները փաստեցին՝ հեռանում եք առանց ժողովրդին ներկայացնելու Ձեր՝ գնալու պատճառները, նաև նշեցին՝ գուցե պատճառն այն է, որ Նիկոլ Փաշինյանը Նարեկ Զեյնալյանին ցանկանում է ՀՀ առողջապահության նախարար նշանակել, նախկին պատգամավորն այսպես արձագանքեց․ «Չգիտեմ՝ դուք եք նաև տարածում դա, նման բան չկա։ Ես կորոշեմ՝ ինչով եմ զբաղվելու։ Այսուհետ կլինի՞ իմ անձնական կյանքի մեջ չխառնվեք»։
Կարդացեք նաև
Տաթև ՀԱՐՈՒԹՅՈՒՆՅԱՆ
