Ադրբեջանական լրատվականները հայտնում են, որ հեռախոսազրույց է տեղի ունեցել ԱՄՆ-ի ընտրված նախագահ Դոնալդ Թրամփի և Ադրբեջանի նախագահ Իլհամ Ալիևի միջև։
Հեռախոսազրույցի ընթացքում Ալիեւը շնորհավորել է Դոնալդ Թրամփին՝ Ամերիկայի Միացյալ Նահանգների նախագահի պաշտոնում վերընտրվելու կապակցությամբ։ Ադրբեջանի նախագահը նշել է, որ ընտրություններում վստահ հաղթանակը նրա քաղաքական կուրսի նկատմամբ ամերիկյան ժողովրդի մեծ աջակցության և վստահության հստակ արտահայտությունն է։
Ալիևն ընդգծել է, որ Թրամփի գործունեությունը կարևոր դեր կխաղա անվտանգության ապահովման գործում։
