Հայաստանում Չեխիայի դեսպան Պետր Պիրունչիկը նստել է ռուսական «ԿամԱԶ» աղբատարի ղեկին՝ «Երևանի աղբահանություն և սանիտարական մաքրում» հաստատությունում:
«Ծանր աշխատանք է, բայց մենք աստիճանաբար մաքրում ենք աշխարհը կանանց նկատմամբ բռնությունից», – X-ում գրել է դեսպանը:
Հիշեցնենք՝ Միավորված ազգերի կազմակերպության գլխավոր քարտուղարը 2008 թվականին կանանց նկատմամբ բռնությանը վերջ դնելու UNiTE՝ «ՄԻԱՑԵՔ մինչև 2030 թվականը» արշավ է սկսել: Արշավի գույնը նարնջագույնն է:
UNiTE-ը կոչ է անում ամեն տարի Կանանց նկատմամբ բռնության վերացման միջազգային օրվանից՝ նոյեմբերի 25-ից՝ մինչև դեկտեմբերի 10-ը՝ Մարդու իրավունքների օրը՝ կրել նարնջագույն հագուստ և քայլեր ձեռնարկել՝ վերջ դնելու կանանց և աղջիկների նկատմամբ բռնությանը:
Կարդացեք նաև
Je to pracné, ale postupně čistíme svět od násilí na ženách 💪🧡🧡🧡#OrangeTheWorld pic.twitter.com/0bX4Ct1pzD
— Petr Piruncik (@petr_piruncik) November 25, 2024
