«Ռուսաստանն ամենուր է, թեև վերլուծություններ կան, որ նա հեռանում է Հարավային Կովկասից։ Դա այդպես չէ»,-«Գլոբալ անվտանգություն և աշխարհաքաղաքական մարտահրավերներ» խորագրով միջազգային համաժողովի ժամանակ այսպիսի կարծիք հայտնեց պատմական գիտությունների դոկտոր Պիետրո Շաքարյանը։
Խոսելով ՀՀ-ում ռուսական ներկայության մասին՝ Պիետրո Շաքարյանն ասաց․ «Չնայած Նիկոլ Փաշինյանի լավագույն ջանքերին, հստակ երևում է, եթե Աբովյան փողոցով զբոսնեք, ամեն երկրորդ մարդը ռուսերեն է խոսում, մտնում ես խանութ՝ ռուսական ապրանք, հեռուստացույցը միացնում ես, ռուսական մշակույթն է։ ՌԴ-ն ամենուր է, բայցևայնպես, վերլուծություն կա, որ ՌԴ-ն դուրս է գալիս Հարավային Կովկասից»։
Ըստ նրա՝ Հարավային Կովկասում տարածաշրջանային անվտանգային նկատառումները ՌԴ-ի համար չեն նվազում, ինչը բնական է․ «Հիմնականում այս լեռնային ամրոցն ունենալը շատ կարևոր է ՌԴ-ի անվտանգության համար, նաև երեք հանրապետությունների հետ կայուն հարաբերություններ ունենալը՝ իշխանությունների հավասարակշռությունը ապահովելով ՀՀ-ի, Ադրբեջանի և Իրանի միջև, որը վերջին դեպքերի բերումով «շողուլից ընկել է»։
Կարդացեք նաև
Տաթև ՀԱՐՈՒԹՅՈՒՆՅԱՆ
