«2021-ի կեսից ես փաստարկում էի, որ Ուկրաինայի կոնֆլիկտն ունի երեք բաղկացուցիչ։ Մեկն այն է, որ սա միջազգային հակամարտություն է, թե ում ազդեցության գոտում կլինի Ուկրաինան՝ ՌԴ-ի, թե՝ ՆԱՏՕ-ի։ Երկրորդը՝ երկկողմ կոնֆլիկտն է, թե ինչպես է ուկրաինական ինքնությունը վերաբերվում ռուսական ինքնությանը և երրորդը՝ ներքին կոնֆլիկտ Գալիցիայի արևմուտքում և Դոմբասի արևելքում՝ առ այն, թե ով է սահմանելու Ուկրաինայի ինքնությունը»,-«Գլոբալ անվտանգություն և աշխարհաքաղաքական մարտահրավերներ» խորագրով միջազգային համաժողովի ժամանակ այսպիսի կարծիք հայտնեց Ջորջ Բուշ Ավագի հատուկ օգնական, պրոֆեսոր Նիկոլայ Պետրոն։
Ըստ նրա՝ 2014-ին ուկրաինական կոնֆլիկտը միջազգայնացվեց՝ շնորհիվ մի կողմից արևմտյան, մյուս կողմից ռուսական միջամտության․ «Ոմանք Ուկրաինայում փորձում են արյունահեղությունն ավարտել, որ Ուկրաինան վերականգնվի, մյուսներն ուզում են հավերժացնել կոնֆլիկտը․ վախենում են, որ վաղաժամ խաղաղությունը կվերաձևի նույն բաժանարար գծերը, որոնք հանգեցրին այս կոնֆլիկտին, ուստի ողջունում են պատերազմը, որը սերունդներ կտևի, քանի դեռ բոլոր ռուսական ազդեցությունները չեն արտամղվել ուկրաինական հասարակությունից։ Ուկրաինայի պաշտոնյաները դժկամություն են հայտնում Ռուսաստանի հետ բանակցելու հարցով, բայց հանրության հետ խոսելիս ասում են, որ իրենց հիմնական նպատակն է բնաջնջել այսպես կոչված հինգերորդ հենասյունը Ուկրաինայի ներսում՝ եզրույթ, որը երբեմն կիրառվում է ռուսամետ ուկրաինացի քաղաքական գործիչների և ընդհանրապես ռուսախոս ուկրաինացիների մասին»։
Պրոֆեսորի գնահատմամբ՝ ռուս և ուկրաինացի էլիտաների միջև մոտ ժամանակներում փոխադարձ ըմբռնում չի լինելու։
Կարդացեք նաև
Տաթև ՀԱՐՈՒԹՅՈՒՆՅԱՆ
