«Եվրաատլանտյան վեկտորը չափազանց վատ ազդեցություն է ունեցել Վրաստանի ներքին և արտաքին քաղաքականության վրա»,- «Գլոբալ անվտանգություն և աշխարհաքաղաքական մարտահրավերներ» խորագրով միջազգային համաժողովի ժամանակ այսպիսի կարծիք հայտնեց Հարավային Կովկասում իսլամական հետազոտությունների կենտրոնի տնօրեն, քաղաքական գործիչ Շոթա Աբխաիձեն։
Նա մտահոգություն հայտնեց՝ մենք կորցրինք մեր տարածքների 20 տոկոսը եվրաատլանտյան վեկտորի պատճառով և շարունակեց․ «Աբխազիան և Հարավային Օսեթիան դարձան մեր կոնֆլիկտային ռեգիոնները, և այդ վեկտորի պատճառով մենք չենք կարող ՌԴ-ի հետ լիարժեք երկխոսություն վարել, ինչպես նաև ռեգիոնալ այլ երկրների հետ, որոնք կարող են հակամարտության լուծման երաշխավոր լինել»։ Նա փաստեց՝ գլոբալ քաղաքականությունը փոխվել է վերջին 2-3 տարիներին․ «Ուկրաինայի պատերազմից հետո ակտիվորեն ընթանում է նոր աշխարհակարգի ձևավորումը։ Այժմ Վրաստանն ունի հնարավորություն վարելու բազմավեկտոր քաղաքականություն։ Դա շատ կարևոր է Վրաստանի համար, որն ուզում է պահպանել իր ինքնությունը, կրոնը, վարել իր ինքնիշխան քաղաքականությունը։ Այս պահին բազմավեկտոր աշխարհն այդ հնարավորությունը տալիս է»։
Տաթև ՀԱՐՈՒԹՅՈԻՆՅԱՆ
