Ստեփանակերտի մամուլի ակումբի ղեկավար Գեղամ Բաղդասարյանի ֆեյսբուքյան գրառումը
Հակառակորդի խոսույթները քո երկրի հանրային քննարկումներ ներմուծելը միայն մի դեպքում կարող է իմաստ ունենալ՝ երբ նույնն անում է մյուս կողմը, և երբ այս փոխադարձության նպատակը երկու կողմերի հանրային կարծիքների մերձեցումն է արժանապատիվ խաղաղության գաղափարին: Եթե չկա այս փոխադարձությունը (իսկ այն չկա ու չկա), ապա քո արածը բարոյահոգեբանական կաթվածի նշան է:
Պատերազմում պարտությունն ամենասարսափելին չէ: Ամենասարսափելին պարտությունից պատվազուրկ ու կամազուրկ դառնալն է, հոգեբանական ծնկաչոքությունն է: Բայց մեր հանրային կարծիքը մեծամասամբ այդպիսին չէ, և սա միակ լավ նորությունն է մեր պարագայում, ինչը որոշակի հույսերի տեղ դեռ թողնում է:
