«Ես երեկ մեր գործընկերներին ասացի՝ քանի որ այս ժամանակը և հանձնարարականը պատշաճ չի օգտագործվել այդ խնդիրը համակարգված և խորքային ձևով լուծելու համար, հիմա ես ամենայն հավանականությամբ այդ խնդիրը լուծելու եմ՝ կացնային ձևով»,-Հանրային հեռուստաընկերության եթերում պատասխանելով գերատեսչությունների ծառայողական մեքենաների թիվը կրճատելու մասին հարցին, այսպես պատասխանեց ՀՀ վարչապետ Նիկոլ Փաշինյանը։
Նա ասաց՝ առավոտյան էլի դրանով է զբաղված եղել․ «Գերատեսչությունների մեքենաների ցուցակն ուզում եմ, գրիչով ուղղակի խազեր եմ քաշում այդ մեքենաների վրա։ Սա կացնային մոտեցում է: Եվ ես համոզված եմ, որ այդ մոտեցման արդյունքում կառաջանան որոշակի խնդիրներ՝ կազմակերպչական, բայց էլի այդ խնդիրները կառաջանան, որովհետև մեր գործընկերները ժամանակին պատշաճ ձևով չեն արձագանքել իմ հրապարակային և ոչ հրապարակային ասածներին: Հիմա ստիպված՝ կացինով պետք է կտրեմ»։ Հարցին՝ քանի՞ տոկոսն եք կացինով կտրելու, Նիկոլ Փաշինյանը պատասխանեց՝ շատ մեծ տոկոսը։
Տաթև ՀԱՐՈՒԹՅՈՒՆՅԱՆ
