«Կարծում եմ՝ պիտի ակնհայտ լինի, որ կադրային փոփոխությունները կապված են այն թեմաների հետ, որոնք այսպես թե այնպես հրապարակային քննարկվում են։ Բայց նաև պարտադիր չէ, որ այդ քննարկումները կապվեն կոնկրետ անձանց հետ, մանավանդ տվյալ շրջանի պաշտոնանկությունները ոչ թե անձնավորված են, այլ ավելի շատ համակարգերի հետ են կապված։ Այդ կադրային փոփոխություններն իրենց բնույթով, եթե պայմանական ասենք, ոչ թե կոնֆլիկտային են, այլ աշխատանքային»,- լրագրողի հարցին՝ կնշե՞ք, թե որ պաշտոնյայի աշխատանքի ո՞ր մասից եք դժգոհ, քանի որ ստացվում է՝ լինում են հրաժարականներ ու հեռացումներ, բայց հաշվետվություն կարծես չկա, Հանրային հեռուստաընկերության եթերում հայտարարեց ՀՀ վարչապետ Նիկոլ Փաշինյանը։
Նա շարունակեց․ «Մեր բոլոր գործընկերների աշխատանքը՝ այդ թվում իրենց՝ այդ պաշտոններում, որտեղից հրաժարական են տվել, ես գնահատում եմ։ Բոլոր այդ մարդիկ իրենց էական ներդրումն են ունեցել համակարգերի զարգացման գործում։ Մյուս կողմից ակնհայտ է, որ այն ուղղություններում, որտեղ տեղի են ունեցել իրադարձություններ, որոշակի հարցեր կան, որոնք կամ 2018-ից են բարձրացվել են կամ հետո և դրանք ավելի արդյունավետ հասցեագրման անհրաժեշտություն ունեն։ Իրենց պաշտոններում բոլոր այդ մարդիկ արել են համակարգային փոփոխություններ։ Կադրային փոփոխությունները ոչ թե կոնֆլիկտային են, այլ աշխատանքային։ Բայց պետական կառավարման համակարգում գալիս է մի պահ, երբ փոփոխություններ բերող առաջնորդները մի իքս պահից գուցե անխուսափելիորեն դառնում են հենց համակարգի մաս, նույն տեմպով շարունակելը բարեփոխումների գործընթացը հնարավոր չի դառնում․․․հայացքի սրությունը պարզապես կարող է կորել, և շատ դեպքերում աշխատանքի կազմակերպման առումով բոլորի հետ էլ լինում, որ թերությունը տեսնելով, իմանալով, այնուամենայնիվ, կտրուկ գործողություններից մի իքս պահի սկսում ենք խուսափել։ Դա հասկանալի, բայց երբեմն ոչ օգտակար գործելակերպ է»։
Կարդացեք նաև
Տաթև ՀԱՐՈՒԹՅՈՒՆՅԱՆ
