Ադրբեջանի և Գերմանիայի արտաքին գործերի նախարարները հանդիպել են. քննարկել են տարածաշրջանում տիրող իրավիճակը, ադրբեջանա-հայկական հարաբերությունների կարգավորման ընթացքը և «խաղաղ գործընթացում առկա խնդիրները», հայտնում է «Ազատություն»-ը։
«Ջեյհուն Բայրամովը հերթական անգամ մտահոգություն է հայտնել Ադրբեջանի դեմ համակարգված կողմնակալ և անհիմն զրպարտչական արշավի կապակցությամբ»,- ասված է Ադրբեջանի ԱԳՆ հաղորդագրությունում։
Հիշեցնենք՝ երեկ Բաքվում, COP29-ի շրջանակներում հրավիրված մամուլի ասուլիսի ժամանակ Գերմանիայի արտգործնախարար Անալենա Բերբոքը հայտարարել է, որ Ադրբեջանում մարդու իրավունքների իրավիճակը, լրատվամիջոցների աշխատակիցների, ակտիվիստների և ընդդիմության ներկայացուցիչների ձերբակալությունները խիստ մտահոգիչ են:
Գերմանիան աջակցում է նրանց ազատ արձակմանը և այդ հարցը կբարձրացնի Ադրբեջանի արտգործնախարարի հետ հանդիպմանը, հայտարարել է Բերբոքը՝ շեշտելով, որ անկախ կլիմայական այս համաժողովից, Ադրբեջանում մարդու իրավունքների իրավիճակը Բեռլինի և Բաքվի միջև միշտ էլ քաղաքական քննարկումների մաս է եղել։
Կարդացեք նաև
