Ռուսաստանի երրորդ խոշոր բանկը՝ «Գազպրոմբանկը» և նրա վեց օտարերկրյա դուստր ձեռնարկությունները հինգշաբթի օրը հայտնվել էին ԱՄՆ-ի պատժամիջոցների նոր ցուցակում։ Այդ կերպ փորձ է արվում սահմանափակել Ռուսաստանի հնարավորությունը խուսափելու հազարավոր այլ պատժամիջոցներից, որոնք կիրառվել են Ուկրաինա Ռուսաստանի ներխուժումից ի վեր:
Մինչ այս «Գազպրոմբանկ»-ը Ռուսաստանի ամենախոշոր բանկն էր, որ դեռ ընդգրկված չէր պատժամիջոցների ցուցակում։ Բացի այս պատժամիջոցների տակ են հայտնվել նաև մի քանի տասնյակ քան այլ բանկեր և ֆինանսական կազմակերպություններ և 15 պաշտոնյաներ։
Նոր պատժամիջոցներից առաջ նախագահ Ջո Բայդենն այս շաբաթավերջին Ուկրաինային լիազորել էր օգտագործել ԱՄՆ-ի մատակարարած հրթիռները՝ Ռուսաստանի խորքում հարվածների համար։ Բացի այդ, չորեքշաբթի օրը Պենտագոնը հայտարարեց, որ Ուկրաինային կուղարկի առնվազն 275 միլիոն դոլարի նոր սպառազինություն, ներառյալ հակահետևակային ականներ։
Ամերիկյան Պատժամիջոցներն արգելում են ամերիկյան ընկերություններին և քաղաքացիներին սև ցուցակում ընդգրկված ռուսական ընկերությունների հետ բիզնես վարել, իսկ այդ ընկերությունների՝ Միացյալ Նահանգներում գտնվող գույքն ու ֆինանսական ակտիվները սառեցվում են։
Ավելին՝ սկզբնաղբյուր կայքում
