Այս տարի նոյեմբերի 15-ի դրությամբ խոշտանգումների եւ վատ վերաբերմունքի դեպքերով նախաձեռնված է եղել 230 քրեական վարույթ։ Այս պահին քննվում է 307 վարույթ, որից 130-ը 2024 թվականի ընթացքում կարճվել է։ Այս մասին «Խոշտանգումներից, արժանապատվությունը նվաստացնող վերաբերմունքից զերծ մնալու բացարձակ իրավունքի պաշտպանության վիճակը Հայաստանում․ արդյոք հաղթահարելի է անպատժելիությունը» թեմայով քննարկման ժամանակ ասաց ՄԻՊ աշխատակազմի կանխարգելման ազգային մեխանիզմի իրականացման համակարգող-խոշտանգումների եւ վատ վերաբերմունքի կանխարգելման վարչության պետ Լաուրա Գասպարյանը։
«Սրանք այն ցուցանիշներն են, որոնց վերաբերյալ Մարդու իրավունքների պաշտպանը տարիներ շարունակ մտահոգություն է հայտնում։ Եվ ավելի մտահոգիչ մի ցուցանիշ՝ ընդամենը 2 գործ է 2024 թվականին ուղարկվել դատարան, այն էլ 441-րդ հոդվածի երկրորդ մասով, այսինքն՝ խոշտանգման բլոկով որեւէ գործ դատարան չի գնացել։ Սակայն մենք ունենք մտահոգություններ, որ փակ հաստատություններում շարունակվում են վատ վերաբերմունքի դրսեւորումները։ Ամենավառ օրինակը հոգեբուժական հաստատությունում դանակահարության դեպքն էր, որը խիստ մտահոգիչ է։ Եվ պետությունն ունի պոզիտիվ պարտավորություն՝ անվտանգային առումով ապահովելու իր ենթակայության տակ գտնվող անձանց անվտանգությունը, բայց մենք այսօր ունենք լուրջ խնդիր»,- նշեց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
