«Ես այն կարծիքին չեմ, որ ինքն ինքնուրույն որոշում կայացնող է, Նիկոլն ուղղորդվում է, ինքը խամաճիկ է եւ այդ համատեքստում է մարդկանց աշխատանքից ազատել: Եթե սրանք անգամ ամբողջ կառավարությունով գործի չգնան, Հայաստանի քաղաքացին կզգա՞, որ մի հիմնարկ կամ ինչ-որ մի կառույց չի աշխատում, դադարել է գործել: Իհարկե, մարդիկ չեն զգա: Սրանք ի՞նչ են արել բացի թալանից եւ իրենց եսակենտրոն քաղաքականությունից, ազգային, պետական որեւէ խնդիր չեն լուծել…»,- «Հայելի» ակումբում նշեց բանաստեղծ Խաչիկ Մանուկյանը՝ անդրադառնալով Նիկոլ Փաշինյանի իրականացրած վերջին պաշտոնանկություններին:
Բանաստեղծի խոսքով. «Նրա թիմը զրո թիմ է, օգտակար գործողության գործակիցը հավասար է զրոյի: Եվ ինքը միայն այդ զրոն է ճիշտ հնչեցրել, որ ասում էր՝ պետք է սկսեմ զրո կետից: Ինքն այդպես էլ զրո կետից չբարձրացավ, կարողացավ ամեն ինչ իջեցնել զրո կետի: Գնալով ակնհայտ է դառնում, որ մենք գործ ունենք անկարող մեկի հետ, մարդու հետ, որը չգիտի՝ ինչ անել, ու հիմա ցայտնոտի մեջ Հռոմի պապի հետ է հանդիպում:
Եթե պետք լինի Կյանքի խոսքի առաջնորդի հետ հանդիպելու ու ռեյտինգ ավելացնելու, կգնա նաեւ Կյանքի խոսքի առաջնորդի մոտ, եթե պետք լինի՝ Մահվան լռության առաջնորդի մոտ: Հիմա որ գնացել է Հռոմի պապի մոտ, հիշեցի, թե ինչպես էր իր հետեւորդներին քսի տալիս հայոց Վեհափառի դեմ, ինչպես էին պահում ինքն ու իր խումբը Հայոց վեհափառի հանդեպ եւ հիմա ինչպես է խոնարհվում կաթոլիկ եկեղեցու առաջնորդի՝ Հռոմի պապի առաջ:
Հիմա սա Հռոմի պապի առաջ խոնարհվում է, որ իր չեղած ռեյտինգն ավելացնի: Իր ոհմակը հավատի դեմ բազմաթիվ հարձակումներ է արել, ու ինքը հիմա փորձում է ինչ-որ բաներ մեղմել: Ես միշտ ասել եմ՝ մենք զարթոնք կունենանք այն ժամանակ, երբ Հայ Առաքելական եկեղեցու վրա հարձակված դավաճանախումբը հայտնվի զնդաններում»:
Կարդացեք նաև
Գոհար ՀԱԿՈԲՅԱՆ
