«Չեմ խորանա հիմքերի մեջ, քաղաքական որոշում է եղել դա՝ ինչո՞ւ Լեռնային Ղարաբաղից բռնի տեղահանվածները չճանաչվեցին Հայաստանի քաղաքացիներ, ինչո՞ւ ճանաչվեցին փախստականներ։ Ինձ թվում է՝ որոշումը կայացնողը երեւի ավելի խորքային հիմքեր ուներ։ Բայց ամեն դեպքում որոշվեց այս անձանց ճանաչել փախստականներ ու կոդը թողնել անփոփոխ՝ 070, որովհետեւ մեծամասնության ձեռքին կար արդեն իսկ 070 կոդով անձնագիր»,- այսօր «Լեռնային Ղարաբաղի Հանրապետությունից բռնի տեղահանված անձանց իրավունքներն ու սոցիալական ներառումը» խորագրով ֆորումի ժամանակ ասաց ՆԳՆ Միգրացիայի և քաղաքացիության ծառայություն անձը հաստատող փաստաթղթերի թողարկման վարչության պետ Աննա Մակարյանը։
Նա նշեց, որ ՀՀ-ում հաշվառվելը դեռ չի նշանակում, որ ջնջվում է Արցախում հաշվառվելը։ «Շատ շատերը չեն ուզում անձնագիրը հանձնել, ասում են՝ մեր հաշվառումը ջնջում եք, մեր տներից եք մեզ զրկում։ Չէ, անձնագրային ծառայությունը երբեւէ ոչ նման մտադրություն է ունեցել, ոչ էլ հնարավորություն ունի ջնջելու։ Եթե դուք Հայաստանում հաշվառվելուց հետո վերցնեք տեղեկանք, հստակ երեւում է՝ Ղարաբաղում որ հասցեում մինչեւ երբ եք հաշվառված եղել։ Իրենց կոդով անձնագրերը չեն ցանկանում հանձնել քաղաքացիություն ստանալուց, մենք չենք էլ պարտադրում հանձնել, որովհետեւ իրականում դա մեզ այդ պահին անհրաժեշտ չէ, բայց գոնե իրենց մոտ փոքր հույս ենք թողնում, որ պահեն հիշատակ»,- ասաց Աննա Մակարյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
