«Ոչ մի բռնապետ պատմության ընթացքում կադրային որոշումները չի պայմանավորել ավելի լավ ու արդար կառավարման իրականացման սկզբունքով»,-իր գործով դատական նիստի ավարտից հետո լրագրողների հետ ճեպազրույցում ասաց ՀՀԿ փոխնախագահ Արմեն Աշոտյանը՝ անդրադառնալով հրաժարականներին։
Հիշեցնենք՝ այսօր հրաժարական ներկայացրեց ՀՀ տարածքային կառավարման և ենթակառուցվածքների նախարար Գնել Սանոսյանը, ՊԵԿ նախագահ Ռուստամ Բադասյանը, ՀՀ ՆԳ նախարար Վահե Ղազարյանը, ՀՀ Քննչական կոմիտեի նախագահ Արգիշտի Քյարամյանը, ԲԴԽ նախագահ Կարեն Անդրեասյանը։
Արմեն Աշոտյանը շեշտեց՝ այն էլ բռնապետական իրավական համակարգում ակնկալել դրական սպասումներ, միամտություն է․ «Հերիք է՝ այդ համառ միամտությունը Նիկոլի նկատմամբ դրսևորեք»։
Արմեն Աշոտյանը հորդորեց պաշտոնանկ արված մարդկանց նախկին չկոչել ու ասաց․ «Տեսա՝ այս պաշտոնանկ արվածներին որոշները սկսել են նախկին կոչել, էդ գյոզալական բառը մի օգտագործեք այդ մարդկանց հանդեպ․ իրենք ի՞նչ նախկին։ Նախկիններն այն մարդիկ են, որոնք իրենց բոլոր սխալներով հանդերձ՝ պետություն են շենացրել, Արցախ են պահել, ՀՀ-ն են ուժեղացրել, բանակ են սարքել։ Պաշտոնանկ արված մարդկանց մեջ նախկին չկա»։
Կարդացեք նաև
Տաթև ՀԱՐՈՒԹՅՈՒՆՅԱՆ
