«Նիկոլը ևս մեկ անգամ ապացուցեց, որ այն, ինչ մենք իր մասին մտածում էինք, դա ուղղակի փաստակազմ է՝ ապացուցված, որ իր համար հանցագործություն գործած մարդկանց որևէ կերպ անգամ երախտիք խոսքեր ասելու խնդիր չունի»,- ՀՀԿ փոխնախագահ Արմեն Աշոտյանի գործով դատական նիստից առաջ լրագրողների հետ ճեպազրույցում ասաց ՀՀ ԱԺ «Պատիվ ունեմ» խմբակցության պատգամավոր Աննա Մկրտչյանը՝ անդրադառնալով տեղի ունեցած հրաժարականներին։
Հիշեցնենք՝ այսօր հրաժարական ներկայացրեց ՀՀ տարածքային կառավարման և ենթակառուցվածքների նախարար Գնել Սանոսյանը, ՊԵԿ նախագահ Ռուստամ Բադասյանը, ՀՀ ՆԳ նախարար Վահե Ղազարյանը, ՀՀ Քննչական կոմիտեի նախագահ Արգիշտի Քյարամյանը, ԲԴԽ նախագահ Կարեն Անդրեասյանը։
Աննա Մկրտչյանը հրաժարական ներկայացրած անձանց «քաղաքական կիլլերներ» անվանեց ու նշեց․ «Նրանք իրենց հետքերը մաքրեցին, որ հանկարծ Նիկոլի վրա չմնա իրենց արած հանցագործությունը»։
Հարցին՝ վերաբացված գործեր կհաջորդե՞ն պաշտոնանկություններին, Աննա Մկրտչյանը պատասխանեց․ «Ոչ, խնդիրն արդարադատության հասնելը չէ։ Ոչինչ էլ սպասել պետք չէ»։
Կարդացեք նաև
Հարցին՝ ազատման դիմում ներկայացրած պաշտոնյաներին հնարավո՞ր է ավելի բարձր պաշտոնների նշանակի Նիկոլ Փաշինյանը, Աննա Մկրտչյանն այսպես պատասխանեց․ «Այդ ստրկությունն արդյոք կշարունակեն արդեն պաշտոնանկ եղած նախկին պաշտոնյաներ, որոնք կգնան վայելելու, թե հանցագործությունների նոր կապոց կդնի նրանց վրա, դա կախված է իրենց փոխհարաբերություններից։ Նիկոլ Փաշինյանն ում ուզում է ավելի շատ ստորացնել, նոր պաշտոն կտա, ում մտածում է՝ բավական է, կարող է գնալ իր ինդուլգենցիայով վայելել, կասի՝ գնա, վայելի»։
Տաթև ՀԱՐՈՒԹՅՈՒՆՅԱՆ
