Փաստաբան Արսեն Սարդարյանի ֆեյսբուքյան գրառումը
Արսեն Սարդարյան
Կարևոր կառույցներ գլխավորած ԲԴԽ նախագահ Կարեն Անդրեասյանի և Քննչական կոմիտեի նախագահ Արգիշտի Քյարամյանի հրաժարականների համար շատ եմ ափսոսում:
Նրանց կատարած աշխատանքին բավականին լավ եմ ծանոթ և կարող եմ վստահորեն ասել, որ բարձր մակարդակի պրոֆեսիոնալներ են և, որ զբաղեցրած պաշտոններում նրանցից յուրաքանչյուրը ղեկավարվել է ոչ թե անձնական, այլ Պետության և հասարակության շահով:
Ճիշտ է զբաղեցված պաշտոններով պայմանավորված նրանք ոչ միշտ են գոհացրել իրենց որոշումներով, օրինակ՝ Կարեն Անդրեասյանի գլխավորած կառույցի կողմից որոշ դատավորների համակարգից հեռացնելը ճիշտ չեմ համարել:
Կարդացեք նաև
Բայց կարող եմ վստահ ասել, որ, թե դատական համակարգը, թե կոմիտեն սկսել են անհամեմատ արդյունավետ, գրագետ և բարեխիղճ աշխատել:
Դատական համակարգը դուրս է եկել պարալիզացված վիճակից, երբ գործերի սկիզբը կար, բայց ավարտը չէ:
Դատավորները սկսել են պատասխանատվություն զգալ գործերը ողջամիտ ժամկետում քննելու հարցում, ինչը մեր դատարանների ամենամեծ խնդիրն էր:
Դատավորների անկախության մակարդակը նույնպես բարձրացել է՝ նրանք արդարադատություն իրականացնելիս ճնշումների չեն ենթարկվում:
Էապես բարձրացվել են դատավորների և դատական ծառայողների սոցիալական երաշխիքները:
Արգիշտի Քյարամյանին պետք է հատուկ շնորհակալություն հայտնեմ նրա վարած կադրային քաղաքականության համար:
Նրա օրոք Քննչական կոմիտեի ղեկավար կազմը համալրվել է ճանապարհ անցած, իրավաբանների համայնքում հեղինակություն վայելող պրոֆեսիոնալներով:
Պետք է հատուկ նշեմ, որ իմ տեղեկություններով՝ Արցախից տեղահանված համակարգի որակյալ ոչ մի աշխատող չի եղել, որ դիմի կոմիտե աշխատանքի անցնելու և մերժում ստանա:
Ցավոք չեմ հավատում, որ այս երկու պաշտոնյաներին հնարավոր կլինի փոխարինել նման որակի կադրերով:
