Այս տարի Մադրիդում կայացած «Մանկական Եվրատեսիլ-2024» երգի միջազգային մրցույթում, որին մասնակցում էր 17 երկիր, հաղթեց Վրաստանը: Երկրորդ հորիզոնականը զբաղեցրեց Պորտուգալիան: Իսկ Հայաստանի պատվիրակ Լեոն, որ հանդես եկավ Cosmic Friend երգով, հայտնվեց ութերորդ հորիզոնականում:
Ի դեպ, Հայաստանը եւ Վրաստանը միմյանց փոխադարձաբար 12 միավոր շնորհեցին, երկրորդ 12 միավորը Հայաստանը ստացավ Ֆրանսիայից:
Հիշեցնենք, որ Լեոյի Cosmic Friend երգի երաժշտության հեղինակը Դավիթ Բադալյանն է, խոսքերի հեղինակներն են Վահրամ Պետրոսյանն ու Մալենան: Երգի տեսահոլովակի ռեժիսորը Արթուր Մանուկյանն է, իսկ հագուստները Արմեն Գալյանինն են:
Գոհար ՀԱԿՈԲՅԱՆ
