Հրմշտոց է եղել, ոչ թե ծեծկռտուք, ընդ որում`«Երևան» ՋԷԿ-ին չառնչվող թեմայով, երեկ խորհրդարանում ասաց տարածքային կառավարման նախարար Գնել Սանոսյանը։
Ընդդիմադիր պատգամավոր Գեղամ Մանուկյանն էր հարցրել միջադեպի մասին, հետաքրքրվել՝ արդյոք վարչապետ Փաշինյանի թիկնազորի նախկին պետը, որն այժմ ՋԷԿ-ի փոխտնօրենն է, ծեծել է անվտանգության բաժնի պետ Արթուր Պահլավունուն՝ Երևանի քաղաքապետի աներոջը:
«Որոշ միջադեպ եղել է, ինչի համար ես ցավում եմ։ Մեծ միջադեպ չէ, առավոտյան՝ դեռ աշխատանքային ժամ էլ չի եղել, մինչև շենք մտնելը ինչ-որ խոսակցություն և ավելի շատ հրմշտոց է եղել», – ասաց նախարարը։
Իր ղեկավարի հետ ունեցած միջադեպին որակում չտվեց նաև «Երևան» ՋԷԿ-ի անվտանգության պետ Արթուր Պահլավունին՝ փաստացի չհերքելով Mediahub-ի հրապարակած մանրամասները: Ըստ լրատվամիջոցի՝ փոխտնօրեն Հովհաննիսյանը հրահանգել է արգելել անվտանգության բաժնի պետի մեքենայի մուտքը ՋԷԿ-ի տարածք: Լրատվամիջոցը նաև գրել է, որ Պահլավունին ամեն օր կերակրում է տարածքի շներին։
Կարդացեք նաև
«Այդ մարդը չի սիրում կենդանիներ։ Ես ամեն առավոտ կերակրում եմ, որ սոված չմնան։ Ասում է՝ մի կերակրի, որ այստեղ չգան շներ», – «Ազատությանն» ասաց Պահլավունին։
Հարցին, թե դռներն իր առջև փակե՞լ էին, պատասխանեց. – «Դե շլագբաում է էլի։ Դրա համար կոնֆլիկտ եղավ։ Հրահանգել է, որ ոստիկանները չթողնեն մտնեմ։ Որ ինքը կապ չունի հրահանգելու հետ»։
Նյութն ամբողջությամբ՝ սկզբնաղբյուր կայքում
