«Կողքերը նստած են ՀՅԴ-ականները, որոնք ընդունել են 004 շրջաբերականը, ըստ որի՝ ուզում են մատաղ անեն Հայաստանի ինքնիշխանությունը, իրենք են հարցեր տալիս՝ ինչ-որ մեկի ֆեյսբուքից։ Դուք ձեր շրջապատին հլը հարցրեք՝ էդ 004 շրջաբերականն ի՞նչ է»,- այսօր խորհրդարանում, Հանրային ծառայությունները կարգավորող հանձնաժողովի նախագահի՝ ՔՊ-ի ներկայացրած թեկնածու Մեսրոպ Մեսրոպյանի թեկնածության քննարկման ժամանակ վեճ սկսվեց ԱԺ փոխնախագահ Ռուբեն Ռուբինյանի եւ ՀՅԴ-ական պատգամավորների միջեւ։ Վերջիններս Մեսրոպ Մեսրոպյանի ֆեյսբուքյան էջի գրառումներից էին մեջբերումներ անում՝ հարցեր տալով նրան՝ իր հակառուսական կեցվածքի վերաբերյալ։
«Դու էն ասա՝ Նիկոլ Փաշինյանը հանդիպե՞լ է ԱՄՆ նախագահի հետ»,- Ռուբեն Ռուբինյանին հակընդդեմ հարց տվեց Գառնիկ Դանիելյանը։
«Այո։ Պաշտոնական չէ, ինչպես եւ պաշտոնական չեն հանդիպել մյուսները»,- եղավ պատասխանը։
«Հիմա խնդրեմ, պարոն Դանիելյան, ձեր հարցը տվեք եւ պատասխանեք՝ էդ ի՞նչ էր էդ 004 շրջաբերականը ու դուք ուզում եք մատա՞ղ անեք ՀՀ ինքնիշխանությունը, թե՞ չէ»,- ասաց Ռուբեն Ռուբինյանը։
Կարդացեք նաև
Նելլի ԳՐԻԳՈՐՅԱՆ
