Ընդդիմության ցանկացած ելույթ, ցանկացած քննադատություն իշխանության ներկայացուցիչների կողմից տղայական, ես կասեի` տխմար ու տմարդի պատասխանի է արժանանում. «Բա որ ձեր ժամանակ… բա որ նախկինները»: Կողքից լսողներիս համար սա արդեն անտանելի է դառնում` ուղղակի զզվելի: Ինչպե՞ս կարելի է 6 տարի շարունակ նախկինների թալանի, կոռուպցիայի, Արցախը հանձնելու եւ այլ բաների մասին խոսել:
Հարցնում են՝ բանակն ինչո՞ւ չեք վերականգնում, ասում են` բա ձեր գեներալներն էլ տուշոնկա էին գողանում: Ասում են` այդքան թիկնապահ ինչո՞ւ եք պահում, իսկ թոշակ չեք բարձրացնում, պատասխանում են` հոկտեմբերի 27 եք ուզում անել: Անչափ տհաճ է լսել այս հակադարձումները` ոչ միայն այն պատճառով, որ դրանց մեծ մասը սուտ է ու դեմագոգիկ: Նույնիսկ ենթադրենք՝ 100 տոկոսով ճիշտ են, մարդիկ իրենց իշխանության չեն բերել, որ իրենք մրցեն ու համեմատվեն նախկինների հետ, ընդ որում` հիմնականում համեմատություններն իրենց օգտին չեն:
Արմինե ՕՀԱՆՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
