«Սրտխառնոց է առաջացնում կեղծավորությունը, երեսպաշտությունը, որ կլիմային ուղղված համաժողովը տեղի է ունենում Ադրբեջանում»,-Հայաստանի ամերիկյան համալսարանում անցկացվող «Ադրբեջանի ագրեսիայի ազդեցությունը մարդու իրավունքների և շրջակա միջավայրի պաշտպանության վրա» խորագրով համաժողովի ժամանակ հայտարարեց բնապահպանական ակտիվիստ Գրետա Թունբերգը։
Swedish environmental activist Greta Thunberg attended a panel discussion on the topic of ‘The Impact of Azerbaijan’s Aggression on Human Rights and Environmental Protection’ at the American University of Armenia
Հարցին՝ ինչո՞ւ նա չի մասնակցում Բաքվում անցկացվող COP29 համաժողովին, այսպես արձագանքեց․ «Ինչո՞ւ ես COP29-ում չեմ։ Մեր՝ կլիմայի ակտիվիստներիս ու նրանց օրակարգերը բոլորովին տարբեր են։ Դա հակասում է այն իրականությանը, որը կա Ադրբեջանում։ Ադրբեջանը պատասխանատու է էթնիկ զտման համար, ուստի պարզապես սրտխառնոց է առաջացնում այդ երկերեսանիությունը ու կեղծավորությունը, որ կլիմային ուղղված համաժողովը տեղի է ունենում այդ երկրում։ Սա ուղղակի կեղծավորության, երեսպաշտության ու երկերեսանիության ծայրահեղ դրսևորում է։ Ադրբեջանը ոչ միայն կարողանում է այս սարսափելի հանցագործությունները կատարել ու չպատժվել, այլ նրանց համար դռներ են բացվում, խոսք է տրվում աշխարհի բեմի վրա օրինականացնելու մարդու իրավունքների սարսափազդու խախտումները՝ «կանաչ լվացումը», էթնիկ զտումը։ Աշխարհը լուռ է ու տալիս է նրանց այդ հնարավորությունը։ Նորից ու նորից տեսնում ենք՝ սա միակ դեպքը չէ։ Մենք պետք է դադարենք ձևացնելուց, որ կլիմային ուղղված համաժողովը, երբ իրականացվում է այնպիսի մի երկրում, որը ռեպրեսիվ մոտեցումներ ունի, նորմալ է։ Ադրբեջանի ակտիվիստներն ասում են, որ իրենք կարծես ապրում են բանտում, շարունակվում են քաղհասարակության ճնշումները»։
Գրետա Թունբերգը, անդրադառնալով արցախահայության հետ կատարված հանցագործություններին, ասաց․ «Այն խոշտանգումները, բռնի տեղահանումները, այն գերիները, պատանդները, էթնիկ զտումը, ֆիզիկական ու հոգեբանական վայրագությունները, որոնց միջով մարդիկ անցել են, բացարձակ անընդունելի է այն փաստը, որ աշխարհն այդ ամենի հետ կապված շարունակաբար մնում է լուռ և թույլ տալիս, որ Ադրբեջանը «կանաչ լվացում» անի»։
Կարդացեք նաև
Տաթև ՀԱՐՈՒԹՅՈՒՆՅԱՆ
