30 տարի Սահմանադրությունն ընկալվել է որպես բարձրագույն իրավաբանական ուժ ունեցող փաստաթուղթ: Անկախության հռչակագիրը երբեք չի եղել Սահմանադրության մաս: Այսօր այս մասին լրագրողների հետ զրույցում ասաց ՍԴ նախագահ Արման Դիլանյանը:
Անդրադառնալով սեպտեմբերի 26-ին ՍԴ որոշմանը՝ 2024 թվականի օգոստոսի 30-ին ստորագրված հայ-ադրբեջանական սահմանազատման կանոնակարգում ամրագրված պարտավորությունները ՀՀ Սահմանադրության համապատասխանելու մասին, ՍԴ նախագահն ասաց. «Իրականում ես ամեն ինչ նկատեցի այդ որոշման շուրջ ձեւավորված, բացի լուրջ իրավական քննադատությունից եւ փաստարկներից: Ես չհանդիպեցի իրավական փաստարկ, թե ինչու է այդ որոշումն իրենց կարծիքով սխալ: Ես հանդիպել եմ ամենազանազան ձեւակերպումների, դրանք ինչ-որ առումով շատ գրավիչ են ականջի համար, բայց միաժամանակ պետք է հասկանանք՝ որքան համարժեք խորություն ունեն իրավական բովանդակության առումով»:
Արփինե ՍԻՄՈՆՅԱՆ
