«Մենք կորցրել ենք մեր պետությունը․ այս նախադասությունը երկար ժամանակ չէի ուզում ասել, բայց պիտի ասեմ»,- խորհրդարանում 2025 թվականի բյուջեի նախագծի քննարկումների ժամանակ հայտարարեց վարչապետ Նիկոլ Փաշինյանը։ Այս, իր բնութագրմամբ, սարսափելի եզրահանգմանը նա եկել է՝ տասնյակ անգամներով կարդալով ՀՀ անկախության հռչակագիրը։
Նա խոսում էր իրական եւ պատմական Հայաստանների մասին՝ տարակուսելով, որ Հայաստանում մարդկանց հետ խոսում ես՝ ասում են՝ սասունցի եմ, խոյեցի եմ, մշեցի եմ․ «Բա դիլիջանցին ո՞վ է էս երկրում, երեւանցին ո՞վ է․․․ Ես Հայաստանում ապրելով չեմ կարա, որովհետեւ ես հայաստանցի եմ․․․ ես էլ ըսենց՝ ապազգային տարր եմ, Ենոքավանից այն կողմ չեմ կարա գնամ, արխիվները քանդում եմ, ասում եմ՝ սենց մի էջ էլ իմ համար բացեք, չկա, չեմ գտնում»։
Ապա Նիկոլ Փաշինյանը շարունակեց, որ ապրելով Դիլիջանում եւ չասելով, որ դիլիջանցի ենք՝ կորցնում ենք Դիլիջանը՝ միջանցք բացելով, որ ասեն՝ «արա, եկեք, էդտեղ մարդ չկա բնիկ, էս էլ հին թուրքական քաղաք է, ադրբեջանական․․․»։
Նիկոլ Փաշինյանը եզրակացրեց՝ իրական Հայաստանի քաղաքացին նա է, ով ՀՀ-ից դուրս հայրենիք ու պետություն չի փնտրում։
Կարդացեք նաև
Մանրամասները՝ տեսանյութում
ՊՊԾ-ում աշխատավարձերի բարձրացման մասին խոսելով էլ, Նիկոլ Փաշինյանն ասաց՝ այո, բարձրացվել է, քանի որ 2018-ին պարզվել է, որ ՊՊԾ-ին մի օլիգարխ ջեմ է ուղարկում, մյուսը՝ հավի բուդ, արդյունքում, ՊՊԾ-ն պետական բյուջեից զրո գումար է ստացել։ Ինքն էլ բարկացել է՝ ասել՝ «թարգեք, սա պետությո՞ւն է, թե՞ ինչ»։
Նա հայտարարեց, որ մինչ 2018-ը բոլոր պետական ինստիտուտներում ծրարով գումարներ են ստացել․ «Պետական ինստիտուտները ուզել են սարքեն իրենց ջեբի շները»։
Այս համատեքստում էլ զուգահեռներ տանելով 2020 թվականի նոյեմբերի 9-ի փաստաթղթի հետ, ասաց, որ այդ պահին ինքը վերցրել է պատասխանատվություն, ինչը բոլոր իրավիճակներում պետք է անել․ «Ասել եմ` այս պահին ինձ ոչ մեկի կարծիքը չի հետաքրքրում, ես ինձ վրա եմ վերցնում պատասխանատվությունը եւ այս թուղթը ստորագրելու եմ։ Համարում եմ, որ ճիշտ եմ արել, ինչո՞ւ եմ արել՝ դա ուրիշ խնդիր է»։
Մանրամասները՝ շուտով տեսանյութում
Պետական համակարգում ծառայողական մեքենաների, ավտոպարկի թարմացման մասին քննադատություններին էլ պատասխանում է․ «Կարանք զապոռոժեց առնենք, բայց տարին 6-7 անգամ պետք է առնենք»։
Մանրամասները՝ շուտով տեսանյութում
Ապա հավելեց՝ իր հեծանիվ քշելն էլ են ընդդիմադիրները քննադատում, բայց ինքը հեծանիվ է քշում, որ մարդիկ էլ անցնեն հեծանիվին։
Մանրամասները՝ շուտով տեսանյութում
Նելլի ԳՐԻԳՈՐՅԱՆ
