Խաղաղության պայմանագիրը կարող է հակասել Սահմանադրությանը: Սահմանադրությունը չի կարող հակասել միջազգային որեւէ պայմանագրի: Այսօր այս մասին լրագրողների հետ զրույցում ասաց ՍԴ նախագահ Արման Դիլանյանը:
Լրագրողի հարցին, թե որ մասով կարող է հակասել, ՍԴ նախագահը պատասխանեց. «Դուք խոսում եք ապագայում կնքվելիք ինչ-որ փաստաթղթի մասին, ինձ համար անորոշ բովանդակությամբ, ինչպե՞ս կարող եմ դրա վերաբերյալ որեւէ կարծիք հայտնել»:
Նրա խոսքով՝ միջազգային պայմանագրերի՝ Սահմանադրության համապատասխանության հարցի որոշման գործընթացը մաթեմատիկական ճշգրտությամբ է, կոնկրետ դրույթը կա այն համեմատում են Սահմանադրության դրույթների հետ, ու եթե կան հակասություններ, արձանագրում են դրանք. «Այդտեղ ընդհատվում է վավերացման գործընթացը»:
Հարցին՝ դուք հնարավոր համարում եք Սահմանադրական փոփոխություններ պայմանագրի վավերացումից հետո, պատասխանեց. «Պայմանագրի ստորագրումից հետո կամ դրա հետ կապված, կամ դրա հետ չկապված Սահմանադրական փոփոխությունը, մեծ հաշվով, քաղաքական գործընթաց է: Ես ամեն ինչ եմ հնարավոր համարում»:
Կարդացեք նաև
Արփինե ՍԻՄՈՆՅԱՆ
