Այսօրվա մեր հավաքական սոցիալ մտածողությունը էականորեն ապապետական է․ խորհրդարանում 2025 թվականի պետական բյուջեի նախագծի քննարկման ժամանակ եզրափակիչ ելույթում հայտարարեց Նիկոլ Փաշինյանը։
«Ես ինձ պարբերաբար բռնում եմ այն մտքի վրա, որ երբեմն այն, ինչ ասում ենք, երբեմն այն, ինչին հավատում ենք, երբեմն հաճախ կամ գրեթե միշտ այս կամ այն չափով իր վրա կրում է ապապետականության անտեսանելի, անարձանագրելի կնիքը, խոսքը բոլորիս մասին է՝ ինձնից սկսած»,- ասաց նա՝ հավելելով, որ միայն պետությունն է մեր ազգային ինքնության պահպանման ու զարգացման գրավականը ու դա եղել է միշտ, բայց մենք ամբողջական չենք գիտակցել։
«Կա պետություն՝ մենք կլինենք որպես հայ ժողովուրդ, չկա՞ պետություն՝ մենք չենք լինի որպես հայ ժողովուրդ։ Ի դեպ, մենք մինչեւ այսօր որպես հայ ժողովուրդ կանք բացառապես ժամանակին ունեցած պետական ավանդույթի շնորհիվ, որը, բարեբախտաբար, ամբողջությամբ չէ, որ կորցրել ենք»,- ասաց նա։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
