«Էլեկտրամոբիլների համար 2026-ի համար էս պահին ԵԱՏՄ-ով քվոտա չկա»,- ՀՀ ԱԺ-ում կառավարության հետ հարցուպատասխանի ժամանակ տեղեկացրեց ՀՀ վարչապետ Նիկոլ Փաշինյանը։
ՀՀ ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը վրդովվեց՝ «ամեն հինգ վթարից մեկն այն մասին է, որ 50 տարեկան բեռնատարների տոռմուզները չեն պահել»։
Նիկոլ Փաշինյանն այս խնդիրների առիթով ասաց․ «Կա ԱԱՀ արտոնություն։ 2025-ի սեպտեմբերի 1-ից ԱԱՀ արտոնությունը սահմանել միայն մինչև երկու տարեկան էլեկրամոբիլների վրա։ Մենք այդ թվում ճանապարհային երթևեկության անվտանգության մասով մի քանի նրբություն պետք է ֆիքսենք․․․Պարեկային ծառայությունը մտնում է ուժի մեջ, գյուղերից գալիս են ազդակներ՝ լավ կլինի՝ մի ամիս էլ առանց տեխզննման քշենք, մեկ ամիս էլ առանց պետհամարանիշի քշենք, հետո գալիս են տարբեր խնդրանքներ, միջնորդություններ։ Մեր խնդիրն այն է, որ մենք չենք կարողանում գիծ քաշել ու ապրել նորովի, ամեն անգամ ստիպված ենք կայացնել պոպուլյար, բայց սխալ որոշումեր ու հետո այդ որոշումների ձեռքը գերի ընկած հաջորդ որոշումը կայացնել»։
Տաթև ՀԱՐՈՒԹՅՈՒՆՅԱՆ
