«Այն, ինչ ընթացքի մեջ էր, շարունակվում է։ Կառույցի նախապատրաստական փուլում ենք, բյուջեում գումար դրված է, 2025-ին կանենք»,- ՀՀ ԱԺ տնտեսական հարցերի հանձնաժողովի նախագահ Բաբկեն Թունյանի հարցին՝ ի՞նչ փուլում են Ատոմային նոր էներգաբլոկ ՓԲԸ-ի կազմավորման աշխատանքները, խորհրդարանում կառավարության հետ հարցուպատասխանի ժամանակ այսպես պատասխանեց ՀՀ տարածքային կառավարման և ենթակառուցվածքների նախարար Գնել Սանոսյանը։
Նա նշեց, դեռ կադրերի համալրում և նշանակում չեն իրականացրել․ «Մնացած գործընթացներն ընթացքի մեջ են։ Այս փուլում այն աշխատանքները, որոնք նախատեսված են այդ ուղղությամբ, շարունակվում են նախարարության մասնագետների և ատոմակայանի ու ոլորտի այլ գործընկերների կողմից իրականացվել։ Բյուջեում 800 միլիոն հատկացված է կառույցի համալրման և մի շարք այլ գործառույթների համար։ Միասին քննարկել ու որոշել ենք, որ դա կանենք 2025-ի սկզբին»։
Կարդացեք նաև
Տաթև ՀԱՐՈՒԹՅՈՒՆՅԱՆ
