Ալիևն անարդար է համարում Ադրբեջանին նավթային պետություն անվանելը:
Բաքվում COP29 առաջնորդների գագաթնաժողովի բացման արարողության ժամանակ ելույթի ընթացքում Ադրբեջանի նախագահ Իլհամ Ալիևը հայտարարել է. «19-րդ դարում Ադրբեջանն արտադրում էր նավթի համաշխարհային արդյունահանման կեսից ավելին։ Եվ եթե որոշ արևմտյան քաղաքական գործիչներ և լրատվամիջոցներ մեզ անվանում էին նավթային պետություն, ապա դա արդարացված էր։
Բայց երբ մեզ հիմա են անվանում նավթային պետություն, այսօր դա անարդար է և միայն վկայում է քաղաքական մշակույթի և գիտելիքների պակասի մասին։ Այսօր նավթի համաշխարհային արդյունահանման մեջ Ադրբեջանի մասնաբաժինը կազմում է 0,7 տոկոս, գազի համաշխարհային արդյունահանման մեջ՝ 0,9 տոկոս»:
