«Ազատություն». Ադրբեջանն ու Հայաստանը դեկտեմբերին կվերադառնան խաղաղության պայմանագրի տեքստի քննարկմանը, ՏԱՍՍ-ին հայտնել է Ադրբեջանի նախագահի օգնական Հիքմեթ Հաջիևը՝ նշելով՝ այս պահին Բաքվի օրակարգի հիմնական թեման մինչև նոյեմբերի 24-ն ընթացող COP 29-ն է։
«Անշուշտ, դեկտեմբերից սկսած Հայաստանի և Ադրբեջանի միջև նոր գործընթաց կսկսվի խաղաղության պայմանագրի տեքստի շուրջ քննարկումների ու բանակցությունների շարունակման վերաբերյալ», – ասել է Հաջիևը։
Ընդգծելով, որ փաստաթղթի տեքստում որոշակի հարցեր դեռ կան՝ Հաջիևը տեղեկացրել է, որ փորձագիտական մակարդակով քննարկումներն ու բանակցությունները շարունակվում են։
«Քանի որ հայկական կողմը ժամանակին չի արձագանքել խաղաղության պայմանագրի տեքստի մեր առաջարկին, այս համատեքստում մենք ուշացած ենք համարում գործընթացը, հետևաբար հավանաբար դեկտեմբերից նոր գործընթաց կսկսվի», – եզրափակել է Ադրբեջանի նախագահի օգնականը՝ առանց հավելյալ պարզաբանումների։
Կարդացեք նաև
Նյութն ամբողջությամբ՝ սկզբնաղբյուր կայքում:
