«ՀՀ կառավարությունը 2020-ից սկսած ամեն օր աշխատում է Ադրբեջանում պահվող հայ ռազմագերիներին Հայաստան օր առաջ վերադարձնելու համար։ Ոչ մի օր այդ աշխատանքը չի դադարել և այդ աշխատանքը կատարելու համար հարկավոր չէ որևէ այլ առիթ»,- «Ադրբեջանում պահվող հայ ռազմագերիների վերաբերյալ» հասարակական հետաքրքրություն ներկայացնող հրատապ թեմայով քննարկման ժամանակ հայտարարեց ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։
Նա վստահեցրեց՝ ՀՀ կառավարությունը և կառավարող մեծամասնությունը չի փնտրում առիթ, որ զբաղվի այս հարցով, քանի որ այս հարցով զբաղվում են ամենօրյա ռեժիմով։ Դիմելով ընդդիմությանը՝ Հայկ Կոնջորյանն ասաց․ «Եթե ձեզ համար առիթ է պետք, որ այդ աշխատանքն արվի, ապա մեզ համար առիթ պետք չէ, որ այդ աշխատանքը արվի, քանի որ ամեն օր զբաղվում ենք այդ աշխատանքով»։
Հայկ Կոնջորյանի կարծիքով՝ հայտարարությունը, այս նիստը՝ որպես մեխանիզմ, որպես գործիք չեն ծառայում այն նպատակին, ինչի համար փորձում են այստեղ ներկայացնել։
Ինչպես արդեն տեղեկացրել ենք, այսօր ՔՊ-ն տապալեց Ադրբեջանում պահվող հայ ռազմագերիների վերաբերյալ ԱԺ-ի հայտարարության ընդունումը։
Տաթև ՀԱՐՈՒԹՅՈՒՆՅԱՆ
