«ՀՀ-ն իր կամքով հնարավորություն տվեց Ադրբեջանին «կանաչ լվացում» իրականացնել, և Ադրբեջանն այս առիթն օգտագործում է իր քաղաքական իմիջը բարձրացնելու համար,- «Ադրբեջանում պահվող հայ ռազմագերիների վերաբերյալ» հասարակական հետաքրքրություն ներկայացնող հրատապ թեմայով քննարկման ժամանակ հայտարարեց ՀՀ ԱԺ «Հայաստան» խմբակցության պատգամավոր Լիլիթ Գալստյանը։
Ըստ նրա՝ ՀՀ-ն, որպեսզի համահունչ լինի միջազգային բոլոր կոչերին, հայտարարություններին, բանաձևերին, ունի հետևյալ պարտականությունը․ «Մեր պարտականությունն է՝ այն էլ խորհրդարանական երկրում, խորհրդարանի միաձայն պարտականությունն է հանդես գալ հայտարարությամբ՝ պահանջելով, որ Ադրբեջանում կամ Բաքվում պատանդառված հայ գերիներին՝ այդ թվում Արցախի ռազմաքաղաքական ղեկավարությանը վերադարձնեն Հայաստան։ Անհնար է որևէ բանակցություն, որի առանցքում հնարավոր չէ չներառել գերիների վերադարձի հարցը։ Սա ՀՀ պետության արժանապատվության հարցն է և նաև այս ինստիտուտի՝ խորհրդարանական երկրում ՀՀ ԱԺ-ի պարտականությունն է համապատասխան հայտարարություն ընդունելը»։
Ինչպես արդեն տեղեկացրել ենք, այսօր ՔՊ-ն տապալեց Ադրբեջանում պահվող հայ ռազմագերիների վերաբերյալ ԱԺ-ի հայտարարության ընդունումը։
Կարդացեք նաև
Տաթև ՀԱՐՈՒԹՅՈՒՆՅԱՆ
