«Եթե ոչ այսօր, ապա ե՞րբ պետք է ՀՀ բարձրագույն մարմինը՝ ԱԺ-ն միասնական հայտարարություն տարածի՝ պահանջելով ալիևյան ռեժիմից վերադարձնել մեր բոլոր ռազմագերիներին»,- «Ադրբեջանում պահվող հայ ռազմագերիների վերաբերյալ» հասարակական հետաքրքրություն ներկայացնող հրատապ թեմայով քննարկման ժամանակ հայտարարեց ՀՀ ԱԺ «Հայաստան» խմբակցության պատգամավոր Աննա Գրիգորյանը։
Նա նշեց՝ այս դեպքում քաղաքական մեծամասնություն ի՞նչ պատրվակ է գտնելու ասելու, որ չի միանում հայտարարությանը․ «Երբ նման հայտարարություններ ենք անում, նման հարցեր ենք բարձրացնում, ասում եք՝ մենք այս գործն ենք անում, մենք այստեղ այս ենք խոսում, բայց գնում, հասնում եք ՄԱԿ-ի ամբիոնին, ինչի մասին ասես խոսում եք՝ բացի ռազմագերիների վերադարձից, այսպես կոչված խաղաղության մասին պայմանագիր եք բանակցում, բայց ռազմագերիների հարցը չկա այնտեղ։ Հարց եմ տալիս՝ ԱԺ-ն այսօր ասելիք ունի՞, թե՝ ոչ։ Այն ժամանակահատվածում, երբ տարբեր երկրների ներկայացուցիչներ Բաքվում են և մեր հայրենակիցներն են Բաքվի բանտում, մենք պահանջ ունե՞նք, թե՞ ոչ։ Այսօր ձեր դիրքորոշմամբ է արտահայտվելու»։
Աննա Գրիգորյանը շեշտեց՝ այսօր այն օրն է, երբ պետք է դիրքորոշում հայտնել։
Կարդացեք նաև
Տաթև ՀԱՐՈՒԹՅՈՒՆՅԱՆ
