«COP29-ը անցկացվում է մի երկրում, որն աշխարհին հայտնի է ոչ միայն իր միջազգային կոռուպցիոն սկանդալներով՝ խավիարային դիվանագիտությունից սկսած, ավարտած նավթային կոռուպցիոն հարաբերություններով, նաև միջազգային մարդասիրական իրավունքի արմատական ոտնահարմամբ»,- «Ադրբեջանում պահվող հայ ռազմագերիների վերաբերյալ» հասարակական հետաքրքրություն ներկայացնող հրատապ թեմայով քննարկման ժամանակ խորհրդարանի ամբիոնից հայտարարեց ՀՀ ԱԺ «Հայաստան» խմբակցության պատգամավոր Արծվիկ Մինասյանը։
Ըստ նրա՝ այսպիսով «Ակնհայտ է դառնում, որ միջազգային հանցագործը, մարդասպանը, ցեղասպանը փորձում է մաքրագործել իր դեմքը»։ Այնուհետև շարունակեց․ «Իսկ մենք իբրև մի ժողովուրդ, որը կրել է այդ ցավը, հարվածն այդ մարդասպան ռեժիմից, պարտավոր ենք միջազգային հանրությանը մեր արժանապատիվ պահանջն առաջադրել։ Սա ոչ այլ ինչ է, քան ընդամենը միջազգային մարդասիրական և այլ իրավունքի բնագավառում սուբյեկտ հանդիսացող պետության պահանջ մեկ այլ պետությունից։ Չի կարող Ադրբեջանի նախագահը հանգիստ անցկացնել այդ համաժողովը, քանի դեռ պատանդառված է պահում մարդկանց, որոնք պայքարի են դուրս եկել սեփական հայրենիքի ու արժանապատվության համար»։
Կարդացեք նաև
Տաթև ՀԱՐՈՒԹՅՈՒՆՅԱՆ
