«Մենք վստահ ենք, որ ցանկության դեպքում իշխանությունները Ալիեւի հետ ունեցած ջերմ հարաբերությունների հաշվին կկարողանան գերիներին վերադարձնել»,- այսօր ԵՄ գրասենյակի դիմաց լրագրողներին ասաց հոկտեմբերի 16-ից կառավարության շենքի մոտ՝ Բաքվում գերության մեջ պահվող անձանց վերադարձի պահանջով նստացույց անող «Կամք» հասարակական նախաձեռնության հիմնադիր Վահագն Չախալյանը:
Նրա խոսքով, նստացույց սկսելուց մինչ օրս կառավարությունից ուղղակիորեն արձագանք չի եղել: Եղել է միայն անուղղակի ձեւով արձագանք: Գերիների ու անհետ կորածների հարցերով հանձնախումբն է նիստ գումարել մարտից հետո առաջին անգամ, ԱԺ նախագահն է անդրադարձել…
«Այն, ինչ իշխանությունը ստիպված փորձում է հիմա անել, երբ հանրային պահանջ է ձեւավորվել, հասկանում է , որ այլեւս չի կարող ծածկադմփոց անել, չի կարող ասել՝ երկու ամիս էլ համբերեք, բայց ինչ անում է՝ բավարար չէ: Սա ուղղակի տեղեկատվական քայլեր են, ընդամենը տեղեկատվական դաշտը լրացնելու համար: Մենք ի սկզբանե ասել ենք, որ մեր առջեւ դրված խնդիրը նախ օրակարգ ձեւավորելն է, այն հարցը, որ իշխանություններն ուզում էին մեռցնել, այդ հարցը օրակարգում պահելն է, բայց մյուս կողմից էլ պահանջում ենք՝ խորքային աշխատանք լինի: Այսինքն՝ ոչ թե ինքնագովազդվելու համար իշխանությունները մի քանի նախադասություն արտասանեն ու անցնեն առաջ»,- հավելեց Չախալյանը:
Կարդացեք նաև
Արփինե ՍԻՄՈՆՅԱՆ
