«Ազատություն». «Հայաստանը պետք է հրաժարվի ռազմականացման քաղաքականությունից», – այսօր հայտարարել է Ադրբեջանի նախագահը, սպառնալով՝ դրան պետք է վերջ տրվի, քանի դեռ ուշ չէ։
«Ես այդ մասին բազմիցս եմ ասել, և նրանք գիտեն, որ իմ խոսքը պետք է լսել։ Նրանք երբեք չեն կարող ոտք մեկնել մեզ հետ», – շեշտել է Իլհամ Ալիևը։
Դիմելով Ադրբեջանի ժողովրդին 44-օրյա պատերազմում տարած հաղթանակի կապակցությամբ՝ Ալիևը պնդել է, թե Բաքուն նոր պատերազմ չի ուզում և «իր տարածքային ամբողջականությունը վերականգնելով»՝ արդեն հասել է նպատակներին։
«Հակաադրբեջանական ուժերը, որ չեն ցանկանում հաշտվել այս իրավիճակի հետ, որոշ արևմտյան մայրաքաղաքներում նստած իսլամաֆոբները նոր պատերազմի են դրդում Հայաստանին», – հայտարարել է նա։
Կարդացեք նաև
Ադրբեջանի արտգործնախարարությունն էլ կրկին պնդել է, թե «44-օրյա պատերազմը Հայաստանն էր սկսել», որ Երևանն է տապալել բանակցային գործընթացը՝ «Ղարաբաղը Հայաստան է և վերջ» հայտարարությամբ, և որ «այս պայմաններում Ադրբեջանը ստիպված էր գնալ ինքնապաշտպանության»։
Նյութն ամբողջությամբ՝ սկզբնաղբյուր կայքում:
