«Ցավոք, Վրաստանում տեսնում ենք խնդրահարույց նյուանսներ»,-խորհրդարանում լրագրողների հետ զրույցում ասաց «Իրազեկ քաղաքացիների միավորում» կազմակերպության հիմնադիր եւ ծրագրերի համակարգող Դանիել Իոաննիսյանը՝ հավելելով, որ իր գնահատմամբ, Վրաստանը Հայաստանից ավելի նվազ ժողովրդավարական երկիր է։
Դանիել Իոաննիսյանը նկատի ունի «Օտարերկրյա ազդեցության թափանցիկության մասին» օրենքի ընդունումը Վրաստանում, ինչը, ըստ նրա, ժողովրդավարական երկրում հնարավոր չէ ընդունել։
Պատասխանելով ԱՄՆ ընտրությունների արդյունքներին եւ հայաստանյան հասարակական կազմակերպությունների ֆինանսավորմանը վերաբերվող հարցերին էլ՝ Դանիել Իոաննիսյանն ասաց, որ նախորդ անգամ, երբ Դոնալդ Թրամփն էր ընտրվել ԱՄՆ նախագահ, իր ղեկավարած կազմակերպությունն ԱՄՆ-ից ավելի շատ գումար է ստացել։ Նա նաեւ պնդեց՝ Արևմուտքից ֆինանսավորվող ՀԿ-ները առավելագույնս թափանցիկ են։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
