Վրաստանի եւ ԱՄՆ ընտրություններն ի՞նչ ազդեցություն կունենան ՀՀ-ում: Այս հարցին այսօր դատական նիստի ավարտից հետո ՀՀԿ փոխնախագահ Արմեն Աշոտյանն այսպես պատասխանեց. «ՀՀ-ում տարբեր ընտրություններ կարող են ազդեցություն ունենալ Վրաստանի, Մոլդովայի, ԱՄՆ-ի եւ այլն: Ամենակարեւորը, որ Հայաստանն իր վրա ազդեցություն ունենա: Դա է խնդիրը: Այն, որ Վրաստանի ընտրությունները մեզ վրա ազդեցություն կունենան, վստահ եմ, բայց արդյոք հայն իր, իր ճակատագրի վրա ազդեցություն կունենա, թե չէ՝ սա է ամենակարեւորը: Զարգացումները պայմանավորել բացառապես դրսի քամիներով, իհարկե, լավ է, որ դրսից լավ քամի գա, բայց արդյոք առագաստդ այդ պահին ծակ չէ: Արդյոք այդ առագաստը բարձրացված է: Արդյոք պատրաստ ես նավարկել որպես պետություն, եթե լավ քամի եղավ»:
Հարցին ի պատասխան, թե ԱԳ նախարար Արարատ Միրզոյանի հայտարարությունը՝ հայոց ցեղասպանության հարցը առաջնահերթություն չէ օրակարգում, խաղաղություն կբերի՞, Աշոտյանն ասաց. «Այն, որ հետեւողականորեն զիջվում են հայկական ինքնության բոլոր դիրքերը, ակնհայտ փաստ է: 100 տարի անմոռուկ չէի կպցրել, նաեւ էդ մարդկանց ինադու եմ դրել, արտաքին ապացույցի ձեւ»:
Արփինե ՍԻՄՈՆՅԱՆ
