«Սրանք արդեն իրականացրել են՝ արտակարգ իրավիճակ սահմանելով ընտրական գործընթացի տապալում՝ իրենց ցանկալի արդյունքը ստանալու համար, ինչը հետո, ապօրինաբար, իրականացրել են ԱԺ կողմից»,- խորհրդարանում, իշխող «Քաղաքացիական պայմանագիր» խմբակցության նախաձեռնությամբ, Ընտրական օրենսգրքի փոփոխությունների փաթեթի շուրջ կազմակերպված լսումների ժամանակ իր ելույթում հայտարարեց ՍԴ աշխատակազմի նախկին ղեկավար Էդգար Ղազարյանը։
ԱԺ պետաիրավական հարցերի հանձնաժողովի նախագահ Վլադիմիր Վարդանյանը մեկ անգամ դիտողություն էր արել Էդգար Ղազարյանին իր ելույթի ժամանակ՝ հորդորելով․ «Քննադատություն՝ խնդրեմ, բայց որեւիցե տեսակի վիրավորական արտահայտություն, որեւէ անձի վերաբերյալ, անթույլատրելի եմ գտնում»։
Էդգար Ղազարյանն այդ դիտողությունից հետո շարունակել էր․ «Ռազմական դրությունը բացարձակապես կապ չունի ծավալվող ռազմական գործողությունների հետ․ Հայաստանի պատմության մեջ ռազմական դրություն հայտարարվել է միայն մեկ անգամ՝ 2020 թվականի սեպտեմբերի 27-ին։ Իսկ գիտե՞ք դա երբ է չեղարկվել․ հրադադարի մասին հայտարարությունից հետո՞։ Ոչ։ 2024 թվականի մարտի 24-ին։ Եվ երբ այդ ժամանակ ԱԺ նախագահ Արարատ Միրզոյանին հարցնում էին, թե ինչո՞ւ չի չեղարկվում ռազմական դրությունը, երբ կա հրադադարի մասին հայտարարություն եւ պահպանվում էր այդ ռեժիմը, ասաց՝ քաղաքական նպատակահարմարությունից ելնելով, որովհետեւ, դեռեւս այդ ժամանակ հանցավոր խմբավորումը չէր ձեռք բերել նոր պայմանավորվածություն՝ ընտրված իշխանությունը տապալելու եւ նոր իշխանություն․․․»։
Վլադիմիր Վարդանյանի նյարդերը տեղի տվեցին․ նա հրահանգեց՝ անջատել Էդգար Ղազարյանի խոսափողը եւ թույլ չտվեց, որ վերջինս իր ելույթն ավարտի։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
