Խորհրդարանում, իշխող «Քաղաքացիական պայմանագիր» խմբակցության նախաձեռնությամբ, Ընտրական օրենսգրքի փոփոխությունների փաթեթի շուրջ կազմակերպված լսումների ժամանակ, ՀՀ արդարադատության փոխնախարար Արմենուհի Հարությունյանը հայտարարեց, որ ԸՕ-ի վիճելի՝ ռազմական դրության կամ արտակարգ դրության հիմքով քվեարկության արդյունքները չեղարկելու եւ վերաքվեարկություն հայտարարելու հարցի շուրջ իշխանությունն ու ընդդիմությունը համաձայնության են եկել։
«Հայաստան» խմբակցության պատգամավոր Արծվիկ Մինասյանը մանրամասնեց, թե ի՞նչ պայմանավորվածությունների մասին է խոսքը․ «Որոշակի ճշգրտումներ կատարել ենք եւ ուղարկել ենք պետաիրավական հանձնաժողով․ նաեւ արտակարգ եւ ռազմական դրության մասին իրավական ռեժիմներն էլ պետք է հստակեցվեն։ Մենք առաջարկում ենք՝ քվեարկության օրը, 8․ 00 -20․00-ն արտակարգ դրություն արգելվում է հայտարարել։ Դրանից հետո, եթե հիմքերը պահպանվում են, գործում է այն ռեժիմը, որը կառավարությունն է առաջարկում»։
Արծվիկ Մինասյանը հստակեցնում է՝ ընտրողների քվեարկության արդյունքները պետք է ֆիքսվեն, այլ հարց, եթե ինքնիշխանությանը սպառնացող ագրեսիա է տեղի ունենում․ պետք է դա զատել այս ռեժիմների՝ ներքաղաքական նպատակներով օգտագործումից։ Փոխնախարարն էլ խոստացավ՝ ուշի-ուշով ուսումնասիրել ընդդիմության գրավոր առաջարկները եւ հասկանալ՝ 8․00-20․00-ն ընկած ժամանակահատվածի բացթողումն ի՞նչ իրավական բացեր կառաջացնի։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
