Մենք արձանագրում ենք մեծ գործընթացի մի փուլ, երբ մենք փորձում ենք շրջել պատմության անիվը: Մենք համոզված ենք, որ պատմության ճիշտ կողմն ենք շրջում, օգնում ենք, որ մեր երկիրը լինի շրջվող անիվի ճիշտ կողմում: Այսօր այս մասին Ժողովրդավարական ուժերի հարթակի ներկայացուցիչների հրավիրած համաժողովում այսօր ասաց Հայաստանի եվրոպական կուսակցության նախագահ Տիգրան Խզմալյանը:
Նրա համոզմամբ՝ Հայաստանի՝ Եվրոպական միությանը անդամակցելու հարցով ստորագրահավաքին միացած 60.000 ՀՀ քաղաքացիները կրկնապատկվելու եւ եռապատկվելու են, երբ այդ հարցը դրվի հանրաքվեի. «60.000 -ը ապագա հանրաքվեի դեպքում կդառնա 500.-600.000: Այդ 60.000 –ն այն առաջիններն են, որոնք հասցրին ստորագրել հայ ժողովրդի անունից: Մենք մեծ պատասխանատվություն ենք զգում, որովհետեւ մտանք մի շրջան, որը սկսվեց ոչ իհարկե երեկ ԱՄՆ նախագահի ընտրություններով:
Ամռանը, երբ Եվրոպայում էին տեղի ունենում ընտրությունները, արդեն հասկանում էինք, որ Եվրոպան ու ԱՄՆ-ը փոխվում են, եւ մենք պետք է պատրաստ լինենք դրան: Ի՞նչ փուլ է դա: Մեր խորին համոզմամբ՝ այդ փուլը նշանակում է քաղաքական անորոշության եւ երկիմաստության ավարտը: Հայաստանին այլեւս թույլ տրված չի լինելու մնալ այս անորոշության գորշ գոտիի մեջ, մեզնից պահանջելու են որոշակիություն, հստակ դիրքորոշում: Ահա ինչու ենք այդքան կարեւորում այս նախաձեռնությունը, որը դրդում է իշխանությանը, պետությանն ու հասարակությանը այն ուղղությամբ, որը համարում ենք միակ ճիշտ եվրոատլանտյան քաղաքակրթություն: Այս դաշտում է, որ պատրաստ ենք խոսել մեր գործընկերների հետ ԱՄՆ-ում եւ Եվրոպայում»:
Կարդացեք նաև
Արփինե ՍԻՄՈՆՅԱՆ
