Սրբուհի Գալյանի համար անսպասելի է եղել «Քաղաքացիական պայմանագիր» կուսակցության առաջարկը՝ իրեն արդարադատության նախարարի պաշտոնում նշանակելու մասին․ այդ մասին այսօր կառավարության նիստից հետո լրագրողների հետ զրույցում ասաց Սրբուհի Գալյանը։
«Ես զբաղեցնում էի այլ պաշտոն, բայց առաջարկը ստանալուց հետո մտածել եմ, տվել եմ իմ գիտակցված համաձայնությունը։ Նախկինում այդ բեռը ստանձնած եղել եմ, երբ հեղափոխությունից հետո զբաղեցրել եմ ՀՀ արդարադատության փոխնախարարի պաշտոնը եւ այդ պատասխանատվության գիտակցումը պայմանավորել է իմ համաձայնությունը»,-ասաց նա։
Լրագրողները հետաքրքրվեցին՝ մտավախություն չունի՞, որ մի օր էլ ՔՊ-ական պատգամավորներն իր դեմ ստորագրահավաք կսկսեն՝ հրաժարականի պահանջով, Սրբուհի Գալյանը պատասխանեց․ «Իմ կարծիքով, գործադիրում աշխատող մարդու գործը պետք է լինի գործ անելը։ Մտահոգություններ ունենալը, կարծում եմ, տեղին չէ: Արդարադատության նախարարի հիմնական անելիքը քաղաքական մակարդակում արդարության հարցի ճիշտ հասցեագրումն է, երկրորդը նոր արդարադատության համակարգի կայուն ու միասնական չափանիշների վրա հիմնված զարգացումը։ Կփորձենք վեր հանել խնդիրները, հասկանալու, թե որտեղ է արդարության պակասի զգացումը ձևավորվում մեր քաղաքացիների մոտ»:
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
