Կառավարությունն այսօր կայացած նիստում հավանություն տվեց հարկային փոփոխությունների փաթեթին։ Ըստ այդմ, 2025 թվականի հուլիսի 1-ից կհարկվեն նաեւ իրավաբանական, հաշվապահական, գլխամասային գրասենյակների գործունեություն, շենքերի շինարարություն, անշարժ գույքի, ճարտարապետական-ճարտարագիտական, գովազդային եւ շուկայի ուսումնասիրություն իրականացնող ձեռնարկատերերը, առողջապահության ոլորտի տարբեր հաստատություններ։
Հիշեցնենք, կառավարության այս քաղաքականության արդյունքում, 2025-ի հունվարի 1-ից արդեն իսկ կհարկվեն փաստաբանական եւ նոտարական ծառայություններ իրականացնողները։
Գործող օրենսդրությամբ, միկրոձեռնարկատերերը ազատված են ձեռնարկատիրական հարկերից, իսկ շրջանառության հարկի տիրույթում աշխատող ընկերությունները 5 տոկոս շրջանառության հարկ են վճարում։
«Ճիշտ ուղղության վրա ենք»,- փաթեթը ներկայացնող ֆինանսների նախարար Վահե Հովհաննիսյանին արձագանքեց փոխվարչապետ Մհեր Գրիգորյանը։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
