«Պատիվ ունեմ» խմբակցության պատգամավոր Հայկ Մամիջանյանի տպավորությամբ այսօր «Իմնեմնիմի» հաղորդաշարի հաղորդավարներ Նարեկ Սամսոնյանի եւ Վազգեն Սաղաթելյանի գործով դատական նիստին մեղադրող դատախազներն ամեն կերպ փորձեցին վկաներից կորզել իրենց ուզած ցուցմունքը:
«Ոչ մի դեպքում ընդունելի չէ վկայի վրա ճնշումը՝ ո՛չ քննիչի սենյակում, ո՛չ դատախազի կողմից դահլիճում: Բայց երբ որ քննիչն է փակ սենյակում փորձում ինչ-որ ճնշում կիրառել, եսիմ… Բայց երբ բաց դատարանում դատախազներն են ամեն ինչ անում՝ ուղղորդող հարցով կամ էմոցիոնալ ճնշում գործադրելով վկաների վրա, որ կորզեն իրենց անհրաժեշտ բառերը, լավագույնս նկարագրում է այս պահին ՀՀ-ում իրավապահ համակարգը: Սա դասագրքային օրինակ է, թե ինչպես չի կարելի իրագործել իրավապահ համակարգի աշխատանքը:
Կարծում եմ՝ գործն այսօր ավարտված պետք է լիներ, այսօրվանից ակնհայտ դարձավ, որ այստեղ գործ չկա: ՀՀ-ում սովորական դարձած քաղաքական հետապնդում է իրավապահ համակարգի օգտագործմամբ»,- դատական նիստից հետո լրագրողների հետ զրույցում ասաց Մամիջանյանը:
Կարդացեք նաև
Արփինե ՍԻՄՈՆՅԱՆ
