Համաշխարհային բանկը, Միացյալ Թագավորության կառավարության և Բարձր տեխնոլոգիական արդյունաբերության նախարարության հետ համագործակցությամբ այսօր մեկնարկել է «Հայաստանում կիբեռանվտանգության հասունության գնահատում » նախաձեռնությունը:
Բացման խոսքով հանդես են եկել Հայաստանում Միացյալ Թագավորության դեսպան Ջոն Գալահերը, Բարձր տեխնոլոգիական արդյունաբերության փոխնախարար Գեւորգ Մանթաշյանը և Համաշխարհային բանկի Հայաստանի գրասենյակի Կառավարման փորձագետ Արման Վաթյանը։ Նախաձեռնությունն ուղղված է Հայաստանում կիբեռանվտանգության հասունության գնահատմանը, համապատասխան քաղաքականության մշակմանը։
Համահունչ լինելով Հայաստանում թվայնացման արագացման՝ որպես աճի, ճկունության և ներառման շարժիչ ուժի կառավարության տեսլականին, այս նախաձեռնությունը կաջակցի ՀՀ Կառավարությանը՝ բացահայտելու առաջնահերթ ոլորտներում կիբեռանվտանգության կարողությունների բարելավման համար հրատապ քայլերը՝ նպաստելով նաև թվային ծառայությունների կիրառման նկատմամբ վստահության բարձրացմանը: Գործողությունը կօգտագործի այնպիսի գլոբալ գործիքներ, ինչպիսին է «Կիբեռանվտանգության կարողությունների հասունության մոդելը»՝ գնահատելու կիբեռանվտանգության խոցելիությունն ու ուժեղ կողմերը ազգային մակարդակով և կատարելագործման վերաբերյալ համապատասխան առաջարկություններ կտրամադրի Հայաստանի Բարձր տեխնոլոգիական արդյունաբերության նախարարությանը հետագա կիրառման համար:
Գործողությունը նաև կգնահատի հանրային ծառայությունների մատուցման թվայնացման փուլումգտնվող հիմնական ոլորտների կիբեռանվտանգության հասունությունը, որպեսզի կառավարությունը կարողանա գործարկել իրենց կիբեռանվտանգության զարգացման շրջանակները, ներառելով համակարգման մեխանիզմների կիբեռանվտանգության միջադեպերի արձագանքման նորաստեղծ ազգային թիմը (am-cert.am): Գնահատման հիման վրա կտրամադրվեն կիրառելի առաջարկություններ՝ հայտնաբերված բացերն ու խոցելիությունները լրացնելու և Հայաստանում կիբեռանվտանգության և թվային ճկունության ամրապնդման ճանապարհային քարտեզ մշակելու համար:
Համաշխարհային բանկի հայաստանյան գրասենյակ
